Digwyddiadau
Tywydd
- Tuesday: heavy rain shower, Max Temp: 18°C (64°F), Min Temp: 12°C (54°F)
- Wednesday: sunny intervals, Max Temp: 19°C (66°F), Min Temp: 11°C (52°F)
- Thursday: light rain shower, Max Temp: 19°C (66°F), Min Temp: 13°C (55°F)
Atyniadau
Atyniadau. Llawer ohonyn nhw. Pethau i’w gwneud a’u gweld – i gyd yn Rhondda Cynon Taf
Digwyddiadau
Ogof Siôn Corn
Un o uchafbwyntiau’n calendr digwyddiadau yw ymweliad blynyddol Siôn Corn. Mae Siôn a’i gorachod yn ymgartrefu yn eu ogof a’r gweithdy o ddiwedd mis Tachwedd tan ychydig cyn y Nadolig, pan fydd yn gorfod dychwelyd i Begwn y Gogledd i weld ei geirw a gorffen ei restri cyn Noswyl y Nadolig.
Gwneuthurwyr Ffyn
Mae Gwneuthurwyr Ffyn De Cymru wedi cynnal eu cyfarfodydd chwarterol yng Nghwm Dâr ers blynyddoedd. Hefyd maent yn cynnal sioe yn arddangos eu gwaith, ac yn cynnal gweithdai ac arddangosfeydd o sawl gwahanol fath o waith coed bob mis Medi. Maent wrth law drwy’r amser i sgwrsio ag unrhyw un sy’n dangos diddordeb, ac yn awyddus i annog aelodau newydd.
Am fanylion ewch i: www.southwalesstickmakers.org
Dramâu a Chyngherddau ar y Buarth
Mae’r buarth yn troi’n llwyfan o bryd i’w gilydd ac yn atseinio geiriau Shakespeare ar achlysuron.
Mae jyglwyr, clowniau, storïwyr ac eraill yn ymwelwyr rheolaidd gydol gwyliau’r haf.
Cynhelir cyngherddau hefyd ar ddyddiau Sul yn yr haf gydag amrywiaeth o wahanol arddulliau cerddorol, gan gynnwys jazz, gwerin, cantorion pedwar llais, roc ysgafn …. rhywbeth at ddant pawb (gobeithio).
Digwyddiadau a dyddiau gweithgareddau i’r plant
Cynhelir cyfres o ddyddiau gweithgareddau bob blwyddyn ar gyfer plant a byddwn yn agor cwrs cyfeiriannu newydd yn fuan ar gyfer grwpiau o bobl ifanc a theuluoedd.
Pentref Byd-eang
Rydym wedi cynnal digwyddiad llwyddiannus iawn yn y ddwy flynedd ddiwethaf i hyrwyddo ymwybyddiaeth o faterion byd-eang. Mae’n cael ei gynnal ar y cyd â rhaglen gwirfoddolwyr UNAexchange sy’n ymgynnull ei holl wirfoddolwyr i Gymru i roi blas iddynt ar wahanol ddiwylliannau.
I gael manylion am UNAexchange ewch i: www.unaexchange.org
Digwyddiadau Diddordeb Penodol
Fel cyrchoedd ffwng, gwylio ystlumod, gloÿnnod byw a gwyfynod, nosweithiau seryddol a llawer mwy.
Cliciwch ar ein tudalennau digwyddiadau i weld pa ddigwyddiadau sydd ar y gweill.
I gael rhagor o wybodaeth am Gyrchfan Rhondda Cynon Taf ac i fod yn rhan o un o’n cystadlaethau ‘tynnu o’r het’, cliciwch yma.
